Singende - Schlumpf-Zunft

Direkt zum Seiteninhalt

Singende

Fasnacht

Sujets 2019

Es jungs Gschöpf esch of d'Wäut cho,
dass se schwanger esch het er ned vernoh.
Jetzt heisst’s handle aber met Vernonft,
was schänkt er echt zor Niederkonft?
 
Er rast schnäu zo ehrem Huus,
doch nachem Lüte chont er nömme druus.
Hett er sich ir Adresse girrt,
denn ou das Mami do luegt recht verwirrt.

D’Sereina wohnt nämlech nöme do,
bi neue Bewohner duet er jetzte stoh.
Die frösche Öutere duet er trotzdäm beschänke,
der Amme duets aus Stimmefang ufhänke
Die isch jo filmriif, die Szene a däm Nomitag.
Näbe mer stoht ä verlotterete Tisch
U luegt glich zur Wösch us win i …

Hie ben i lang viu zlang elei gsi & mache keim e Fröid,
Stunge zeut i däm viel z grosse Saal
& ha gseh wie sich d Brocki langsam läärt
… nome me wott niemer …
 
Doch jetz besch du cho, grad jitz woni's nümm hätti dänkt
& luegsch dri wie wenn‘s öbis Schöns z kaufe gäb….
für de & für mi…..
geits wieder zrogg zo dir heii ….

Bim Zügle hesch mi i d’Brocki brocht,
zo au däm aute Zügs…..
ond jetz kaufsch mi glich wieder zrugg!
Nachem Zügle hesch es denn bemerkt,
dass mi trotzdäm no bruuchsch,
chönnt schwöre, dass du ewig blibsch en Narr
Ohh
 
Bim Zügle hesch mi i d’Brocki brocht,
zo au däm aute Zügs…….
ond jetz kaufsch mich glich wieder zrugg!
Nachem Zügle hesch es denn bemerkt,
dass mi trotzdäm no bruuchsch,
chönnt schwöre, dass du ewig blibsch en Narr
Ohh Bürgi Kurt
Du besch e Höckeler – ganz korrekt
Trotzdäm si d Ferie fascht abverreckt
Lohsch d`Päss und s Gäud im Taxi si
Röfe, säg, esch dis Hirni z chli?
Omwäutschutz esch wechtig, drom macht er met
trennt Karton, Papier und ou Pet.
Zwar metem Chare zor Entsorgig fahre,
was si mer Mönsche ou för Naare ?
 
Bem Coop schiesst er d‘Fläsche i Deponi
ond si Schlössu flügt grad hendedri.
Drom gsesch ehn jetz im Sack omewüele
Dr. Küenzi mer fende das zom Brüele
Physikalischi Gsetz cha me ned omgo,
das hei mer so i der Schueu verno.
Doch du hesch dört ä Feischterplatz gha, ned wohr ?
Ou us Gottes-Maa besch du däm onterstöut,
egau was der het der Pfarrer verzöut.
Do nötzt ou keis Gebet meh, Hallelujah
 
Hallelujah, Hallelujah, Hallelujah, Hallelujah
 
Me gseht doch, dass di Wage esch z’chli,
do passe doch nie ganzi Festbänk dri,
d’Heckklappe brengsch du nöme zue, was söu das?
So fahrsch du jetzt der Hogger zederuf
ond im nöchst Moment verschlots der der Schnuuf
denn d’Festbänk verlüüre der Glaube, ah nei der Haut..
 
Si si jetzt frei, si flüge der vo, doch es knaut, jetzt ufem Asphaut.
 
Dini Ladig liet verteilt omenand
du ladsch se zrugg, zwiflisch a dim Verstand.
Plötzlech weisch wie de gäge d’Schwärchraft chöntisch wehre.
Du chersch di Chaare, fahrsch henderzi ue
ond hoffsch Polizei loht de in Rueh
ond Physik cha de jetzt chrüzwiis, Hallelujah
 
Oh Trachsu Hans, was hesch öberleit,
us Fahrer hesch, du völlig verseit
Hallelujah, Hallelujah, Hallelujah, Hallelujah

Sujets 2018

Vo wit wäg hei mer mit Budle agfange
Si unter der ganze Wält dure gange
Derbi vieles ghört und no meh gseh
Mängs wo isch passiert und gscheh

Grabe Höhline der ganzi Tag
Budle öis dör d'Schwiz Schlag für Schlag
Endlech si mer jetzt bi öich acho
Wei am Roote e Woche of d’Närve go

Solang öises Vögeli ned duet krepiere
Hei mer gnue Schnuuf öise Gsang z‘präsentiere
So loset öisne Gschichte us der Höhli zue
Derfür bitte mir jetz um chli Rueh
Nachem Wäsche hesch du fascht brüelet
Dini Socke si aui zäme gschnüeret
Der Fachmaa duet ou nüt finde
D'Ursach eher mit dim IQ verbinde

Statt ar Technik ständig umezflueche
Setsch lieber nöii Fründe sueche
Denn sie hei dir dini Socke zämebunde
Adi Fischer - mer hei no es paar gfunde
Du hesch di Ma sehr guet dressiert
Ou s'Choche hesch ehm delegiert
Du gosch i Usgang lohschs lo krache
Deheim macht är ganz komischi Sache

S'Zahnweh raubt dinere Tochter fasch der Schnuf
I dim Ma chont jetzt der Medizinma uf
Er stopft se vou mit sire Medizin
So gheit se bald i Schlof ganz sidefiin

Du luegsch am Morge der das genauer a
Ond merksch, dass di Ma scho gar nüt cha
Denn es hangt nur öbis zwöschem Zahn
Simi Lauper aus Arzt hesch du kei Plan
Vouer Vorfreud sit der im Auto gsässe
Die ersti Currywurst im Dütsche scho gfrässe
Der Keilrieme risst plötzlich vonenand
Das wärs wohl gsi mitem Legoland

Der Pannedienst macht sich uf d'Socke
Doch dä duet öich jetz schocke
Das Teili mues me zerst organisiere
S'Schumis döi i der Werkstatt cämpiere
"Gedicht von Goethe-Schlumpf:"
 
Was krächzt so spät durch Nacht und Wind?
Es ist ein Capri der so spinnt.
Er fährt so laut gen Bregenz hin
Er lässt sich nicht schalten, ich glaub ich spinn

Mein Capri, mein Capri –
was birgst du so bang dein Gesicht
Chregu, siehst du das Kupplungskabel nicht
Es ist entzwei, vom Rost zerfressen
Liebe Hänggis, so könnt ihr die Rückfahrt vergessen
Nachem Fabrikrundgang si se is Auto gsässe
Aber ergend öppis hei se vergässe
D'Fahne hole wär ehre Uftrag gsi
Doch die Deppe hei se nit derbi

Nomou zrug i d'Firma fahre
Die esch jetz zue, dir doofe Naare
I der Mittagspause müesst der se störe
Unter Spott öffnet öich eine d’Töre
 
Aus hättet der öich ned scho gnue blamiert
Eschs a der Fahneweih weder passiert
Die nöii Fahnestange het me niene gseh
S'pinleche STV-Fahnekomitee
Du schlofsch im Bett um de z'erhole
Plötzlech ghörschs verusse rumple und bole
Hoffentlech ischs nur es Tier am jage
Vor Angst wird’s dir ganz mulmig im Mage

Ganz zittrig luegsch zum Fäister us
Es isch keis Reh, kei Chatz und ou kei Muus
Es isch der Fuchs wo luut umefluecht
Di Vater Freddy wo si Schlössu suecht
Hesch e Grosse chasch dermit umeprahle
Päch wenn wäge däm muesch zahle
Di Schwigeräti het de doch ufklärt
Öbers hantiere met däm riese Grät

Duesch do dra kei Gedanke verliere
Und mit Vougas unde ine navigiere
Plötzlich ghörsch nur no wies kracht
Du hesch kei Ahnig was ächt fausch hesch gmacht

Wöu d’Parkhushöchi hesch fausch taxiert
Hesch s'Dach vom Lieferwage abrasiert
Und das mitem Chaare vom Schwigerpapi
Michel Stäbler bisch du immer sone Lappi
Ou ir Schwiz möche Fake News kei Haut
Ned ir Politik und ned im Hushaut
Wer clever isch cha die Lüge umgo
Nur hei nit aui es Hirni becho

Zum Grät entchauche bechonsch e Tipp
Wenns ohni Wasser startisch wirds wieder fit
D'Secherig macht das aber nit lang mit
Er isch halt Lehrer, der Stefan Schmidt
Öis isch e Träne is lääre Bierglas gheit
Wo mer vernoh hei om was es geit
Im letschte Tram besch du uf ond dervo
I Garten Eden uf de Bärge ergendwo

Gueti Zyte hesch du öis beschert
Die ganzi Schwiiz het dini Hymne verehrt
Öb uf der Blüemlisaup oder in Wyssebüehu
Bi dine Songs hei aui tanzet uf de Stüehu

Ou mer Schlömpf gspöre dini Energie
Mer singe Johr för Johr vo der ä Melodie
Der Root-Song gets ou wäge der
Polo Hofer mer vermesse di sehr
Ar Fasnacht si mer aui glich
Kei Onterschiid zwösche arm ond riich
Sösch dor’s Johr döi aui liire
Anstatt metenad friedlich z‘fiire
Drom döi mer jetzte fröhlech singe
Om s’Fasnachtsfieber zo euch z‘bringe

Wär doch öberau Fasnacht
Ond we bi öis der Root ar Macht
Der Trump schribt nor no i Twitter dri
Dass mer Schlömpf die Geilste sii
Ond ou der Kim hets jetzt kapiert
Das chriege nor aues ruiniert

Refrain:
Drom bes bi öis derbie
Egal was chont und was esch gsi
Eifach so, eifach so!
Aus Naare schliche mer dor d‘Nacht
Verbreite Freud bes die ganz Wäut lacht
Eifach so, eifach so!
Es fühlt sich irgendwie so a
Als chöntis immer witer gah
Eifach so.

England esch us der EU
Ehri eigni Freiheit esch der Clou
Ou Katalane wette go
Ond uf eigne Bei ir Wäut in stoh
Doch was nötzt eim Onabhängikeit
Wenn me mues fiire ir Einsamkeit

Egau us welem Land me isch
Me cha doch hocke a glichi Tisch
Öb schwarz, wiis, gäub, oder rot
Wer chriege wott esch ä Idiot
Drom näbet enand jetzte ir Arm
Ond gäbet enander im Herze warm

Sujets 2017

Farbefroh döi mer d’Fasnacht gniesse
ä Woche d’Sorge ine Egge schiesse
Vöu Liebi hei mer hüür z’verschänke
wei euch dörne bonti Wäut jetz länke
 
XL-stark si öisi Strahle
mer wei euchi Sorge ganz vermahle
Si söue euch ganz stark befaue
so dass euch d’Wäut duet weder gfaue
 
Drom löit öis jetzt chli zäme lache
öber Lüüt wos hei letscht Johr lo krache
Se hei ned gha immer so vöu Glöck
mer brichte dröber Stöck för Stöck
I Onterhose gsehsch eine omespringe
er chont nöm drus esch metem Schicksau am ringe
Ä nöie Azog het er extra zueche do   
doch dä Depp het ne deheime gloh      

Brilliere het er wöue met däm Gwändli              
ar Hochzit im schöne Schwobeländli   
Sini Vergässlechkeit hout öis us de Socke
der Kurme Fredy duet in Jeans das Fäschtli rocke
Gosch i d’Ferie di go entspanne
ufem Campingplatz duesch omehange
S’Chleider uspacke cha no warte
duesch lieber mit em Apéro starte

Der offnig Koffer liet hinderem Wage
mängs Bierli findet der Wäg i di Mage
Plötzlech flöchtisch denn es chont cho rägne
duesch dini Bierli i Schärme träge

Am nöchschte Morge fengsch doss dini Chleider
se si jetz nass und dräckig leider
Dini Chleider setsch jetz go wäsche
Betzge du besch e riese Fläsche
Es esch ned liecht es Chind azlegge
schnäu muess es goh, duesch nüt überlegge
Dini Tochter flüügt um grad wie ne Stei
Yves Sommer, zwöi Füess i eim Hosebei
Du födelisch dor d‘Chochi i dim Schörzli
för dis Featmau bruchsch du nor die beste Gwörzli
Ä feine Doft stiegt der i d‘Nase
dini Gäscht gheie sicher in Ekstase

Du wärsch parat ond wettisch starte
doch dini Gäscht löi uf sech lo warte
Du lütisch a, der fohts afo stinke
us luter Schaam wetsch jetz im Bode versinke

Iglade wärsch du gse zom Ässe           
wie chame so öbis nor vergässe
Ou dis Hirni wird ned jönger
Jenny Rolf, chasch es bruuche us Dönger
Der heit sehr guet trainiert
öichi Gägner deklassiert
Ar Meisterfiir losch dus lo krache
tanzisch wöud, machsch loschtigi Sache

Du fendsch eine met däm chasch feschte
der heits Gfüeu der siged die Beschte
Zäme fieret der öich i Rusch
döit d’Jagge wächsle wie ne Trikotusch

Of em Heiwäg dänksch no gäng a Tetu
plötzlich merksch di Schlössu esch em tuschte Chettu
Vor Wuet housch der eis of d‘Chappe
Vönsi gang dor d’Chatzeklappe
Der George Clooney esch e Feine
met Kafi Froue ufrisse wie Keine
Ou du wetsch gärn so si
drom ladsch d’Froue zom Kafi i

Du füehsch di guet, gesch de ganz smart
nehmsch ä Chapsle besch vou parat
Mänge Kafi duet use fliesse
doch Froue wersch met däm ned ufrisse

Dis Gsöff wird immer heller
ond s’Glächter vo de Gäscht immer greller
E Chapsle esch nor för eis Kafi dänkt
Martin Lüthi besch du chli beschränkt?
Morn isch di grossi Tag        
aues stimmt före Abschlossvortrag
Folie ond Flipchart si parat  
du bisch ready für dis Referat    
       
Ganz relaxed gheisch ine tüüfe Schlof
tröimsch vo starke bonte Schof
Am Morge besch du super erhout
bes de d’Realität ihout

Aues wäg, verrumt ond abgrisse          
Folie ond Flipcharts im Ghöder zerrisse
D’Potzfrou het das Züg wäg gschmesse
Päscu Meier di Tag esch verschesse
Böötle uf der Aare i freier Natur       
perfekt organisiert esch die Tour       
Ou s’zrogg cho hätsch koordiniert
ond di Charre am Zielort platziert

Unterwägs uf dr Aare merksch du gli
dass der Outoschlössu hesch ned derbi             
Dä lit im Outo dört wo der sit gschtartet          
vom Simon Glaus het me nüt anders erwartet
Bi euch esch letscht Johr vöu passiert,
s‘Meischte het öis recht frustriert.
Elend, Krieg ond no vöu meh,
mer chöi das Ganze fasch nöm gse.

Wieso löit der settigs zue,
löit enand eifach in Rueh.
Doch zum Guete wird sech‘s wände,
der Trump duet’s Elend jetzt beände.

 
Refrain:
Ond mer suuse uf de Wöuchli,
luege i öiches Wonderland.
Wieso döit der euch bekämpfe,
es goht doch besser Hand in Hand.
Sit wie mer, heits eifach loschtig
ond sit ned so fest zerstreut.
Mer singe, tanze, lache,
hei am Läbe mega Freud.

Sportlech esch ou ganz vöu gscheh,
s‘Lara esch die Bescht im Schnee.
Olympisch sit der ou derbie,
d’Schwiizer si jo recht guet gsi.

Ned so wie d’Russe wo hei dopt,
die si i de Stadie nömme gfrogt.
Anstatt juble ghörsch se flueche,
ond göi haut Pokemons go sueche.
 
Ou ir Schwiiz gots zue ond her,
politisch heit der‘s grad sehr schwär.
Das ganze Gschnorr im Bondeshuus,
die chöme säuber scho nöme drus.

 
Sit drom stouz uf d’Schwizer Bahn,
der NEAT Tonnu esch doch der Wahn.
Er loht euch glanzvou lo erstrahle,
metem Längschte chöit der ome prahle.

Z’Hägedorf louft’s ou rächt rond,
ond das het jo ou si Grond.
Me het gmeint d’Schueu chem ned zor Rueh,
doch ou der Amme het jetzt gnue.

Oder esch es das Zeiche vo Obe gsi,
wo’s het brucht, dass die Gschecht esch jetz verbi.
Im ganze Dorf hesches ghört,
wo der Blitz s’Gmeinsdach het zerstört.

Sujets 2016

Wieso träget der sones schöns, blaus Gwand?
Mer hei s'Zepter i der Hand
Der root Omhang find e vou krass
Met däm chöi mer flüge das macht Spass

Chömet der ou usem Fasnachtsfüür?
Zäme metem Root wo mer stöue hüür
De heit der i de Händ nor die beste Trömpf
Klar, mer si jo Superschlömpf

Heit der Loscht met mer chli z'singe?
Supi, mer dörfe äs paar Värsli bringe
De bitte mer jetzt om chli Rueh
Loset gschpannt öisne Gschechte zue
Uf öicher Reis heit ders loschtig gha
Doch plötzlech fäuht der einti Maa
Der hocket aui im Bus uf Hägedorf
Är stoht no z‘Oute, das esch doof

Statt im Bus het är vordra welle warte
Bes dä duet ändlich starte
Tür goht zue, du besch no verruss
Stäuble Theo du lahmi Nuss
Besch im Choufruusch und chasch nömm höre
Die vele Täsche döi di langsam störe
Duesch se dorom dim Fründ übergäh
Dä goht scho hei, söu se met sech näh

Langsam wär‘s ou Zyt för de zom hei zue goh
Bim Outo chasch d‘Wäut nömm verstoh
Längsch a Chopf, dänksch läck be eg e Fläsche
Der Schlössu lit jo scho dehei innere Täsche

Di Schatz muess no einisch cho
Är cha das überhoupt ned verstoh
Z`vöu choufe und nüt studiere
Amanda Schaller du duesch di blamiere
Die nöii Haue esch e super Sach
Dört hautet öpper sogar no Wach
Jo ned z nöch cho, süscht bisst är zue
Nie loht är das Gebäude in Rueh

Am einte Tag chunnt är sich säuber i Wäg
Nach däm Vorfau esch är leider nömm so zwäg
Dr eiget Töff gheit ehm ufs Bei
Bim Gehrig Bärti gets es riise Gschrei
Leider Leider Leider Leider
Leider Leider Leider Leider
Leider Leider Leider Leider
Kei Schlumpf meh i der Regierig leider
Die nöie Outo biete vöu Komfort
Keyless esch do s'Zouberwort
Der Schlössu chasch ir Täsche lo
Startisch per Chnopfdrock ond fahrsch dervo

Duesch di Schatz z'Solothurn use schiesse
Dini Freiheit wettsch met Bierli begiesse
Fahrsch is Parkhuus chasch d'Wäut nöm verstoh
Dr Schlössu liet bi dim Schatz ergendwo

S'Ticket entwärte muesch bi loufendem Motor
Hoffsch dis Outo zieht ke Räuber hervor
S'Ticket losch vor Stress im Automat lo legge
Dä ziehts zrogg, ou dä wot di ..... foppe

Wie cha e s'Parkhuus jetzt verloh?
Bruche Höuf zom use cho
Muesch d'Hotline vom Parkhuus wähle
Pädu Ryser du besch e riise Träne
Schizophrenie esch ä bsonderi Sach
Ond mer si eigentlech ned vom Fach
Doch öpis wösse mer garantiert
Du bisch sicher infiziert

Dini Gedankegäng wo mer jetz erwähne
Si anderscht gar ned z’erkläre
S’einte DU trainiert för ne Show
Monatelang schwetzisch wie ne Sou

S’andre ICH - öis trifft fasch der Schlag
Duet Tickets bschtöue för dä grossi Tag
Torne und luege grad aues mitenand
Tanja Geiser wo esch ou di Verschtand
Pressiersch bim Tanke, wotsch gli weder starte
Ned dass die hinde dra müesse z’lang warte
Plötzlich merksch dini Füess wärde nass
Prüefsch dini Blose, werdsch ganz blass

Anstatt s’Benzin is Outo z‘föue
Duesch dini Schueh met Chraftstoff omhöue
Rasch drüü Franke ar Kasse go zahle
Steffi Pflueger du besch e Banane
E Tatort-Folg hät’s chöne si
Spannig, Drama, aus esch derbi
Was z’Hägedorf esch denn passiert
Sogar d‘Polizei werd alarmiert

For Leitere gstörzt, s’Outo defekt
Si Schrei het d’Nochberschaft erschreckt
Szene die esch rächt brutau
Met Blauliecht fahrt me is Spitau

Doch die Gschecht bringt d‘Polizei zom Stotze,
dä Abstorz - bim Feisterpotze
Skandal in Hägedorf, Skandal in Hägedorf,
Skandal, Skandal um ???

Der Schwegersohn werd krass verhört
Het är ehn ächt uf der Leitere gschtört
Är stoht onder grossem Tatverdacht
Obwohl är eigentlich nüt het gmacht

Met de Erbe zämeläbe jo das brucht scho Muet
Gottlob gots am René Michel weder guet
Bes s’nöchscht Mou vorsichtig us Prinzip
Ond före Schwegersohn hei mer no ä Gratistip

Chrigi wenn ned uf dis Erb wotsch warte,
de muesch ganz andersch dörestarte
Skandal am Mühlerain, Skandal am Mühlerain,
Skandal, Skandal um Chrigi
Das Johr gheie mer us em Rahme
Stöi vor öich als Schneewittli Dame
Im Härze si mer aber Schlömpf
Drum träge mer aui blaui Strömpf

Chli und härzig isch sösch ä Zwärg
Bi öis isch är gross so wie ne Bärg
Är macht fasch emmer e sure Stei
Klar, mit söttige Froue dehei

Mängs esch passiert im letschte Johr
Luschtigs und Trurigs, es isch wohr
Mer wöi öich aber zum Lache bringe
Drum döi mer loschtigi Värse singe

Singkostüme

Motto

Kostüm

Jahr

NIE IS NÄSCHT

Holzhacker  

1993

Do wirsch bireweich ...  

Senne  

1994

En Chaare voll Naare  

Fussballer  

1995

VOM FASNACHSVIRUS B'SÄSSE  

Mönche und Nonnen  

1996

Jetz fäderetz

Chinesen  

1997

Total Banane  

20 Jahre Jubiläum: Schlümpfe

1998

Mer si dopt

Doktoren

1999

DORE BE ROT  

Teufel  

2000

Eis Chaos

Big Schlompf

2001

Mer hebe ab    

Ali Baba

2002

MER BLIIBE AM BALL

Golfer  

2003

EI ZIRKUS  

Pfannentrophy  

2004

MÄRLIZOUBER  

Wichtel  

2005

Tierisch guet

Enten  

2006

S'isch wie verhäxt  

Frösche  

2007

Verchehrti Wäut

Elvis  

2008

Spiel mir das Lied vom Root  

Bänker  

2009

Hemlischi Dage   

Schlümpfe

2010

Weisch no

Kindergärnter  

2011

Bock of Rock

Schotten  

2012

Ab i Süde

Pinguine

2013

Bes mers chöi

Schwinger

2014

Mer gheie us em Rahme Schneewitchen 2015
Superman Mer si Fit 2016
Farbäfroh und XL-stark Glöcksbärchi 2017
Zrogg i d'Höhli Minenarbeiter 2018
Föum ab Wikinger 2019
Besucherzaehler
Zurück zum Seiteninhalt